नेपाल राष्ट्र बैंकद्वारा मौद्रिक नीति सार्वजनिक

ईहिमालयन

प्रकाशित मिति : २०७७, २ श्रावण शुक्रबार १८ : ००

काठमाडौं, २ साउन । नेपाल राष्ट्र बैंकले आज चालू आर्थिक वर्षको मौद्रिक नीति सार्वजनिक गरेको छ । बैंकका गभर्नर महाप्रसाद अधिकारीले कोरोनाका कारण अर्थतन्त्रमा परेको प्रभावलाई न्यून गर्ने लक्ष्यका साथ नीति केन्द्रित गरिएको बताएका छन् ।

गर्भनर अधिकारी मौद्रिक नीति सार्वजनिक काठमाडौँ २ साउन : नेपाल राष्ट्र बैंकका गर्भनर महाप्रसाद अधिकारी शुुक्रबार बालुवाटारस्थित केन्द्रीय कार्यालयमा चालूू आर्थिक २०७७–०७८ वर्षको मौद्रिक नीति सार्वजनिक गर्दै । तस्वीर : रोशन सापकोटा-रासस

सरकारले चालू आवमा सात प्रतिशतको आर्थिक वृद्धि हासिल गर्ने लक्ष्य राखेको छ । सोही लक्ष्यलाई पूरा गर्न नीतिमा केही विषय समावेश गरिएको छ ।

कोरोनाका कारण अर्थतन्त्रमा परेको प्रभाव न्यून गर्ने लक्ष्यका साथ कृषि, ऊर्जा तथा साना तथा मझौला उद्योगमा लगानी गर्ने गरी नीतिमा विशेष जोड दिइएको छ ।

कृषि विकास बैंकलाई कृषि क्षेत्रको विकासका लागि अगुवा बैंकका रुपमा अगाडि बढाउने नीतिले लक्ष्य राखेको छ । यस्तै बैंक तथा वित्तीय संस्थालाई कृषि क्षेत्रमा लगानीका लागि थप प्रोत्साहन गर्ने गरी नीति तय गरिएको गभर्नर अधिकारीले जनाए । रासस

Leave a Reply

Your email address will not be published. Required fields are marked *